"Ауыл олимпадасы" олимпиадасының ашылуы

«Ынтымақ ауылының жалпы орта білім беретін мектебі» КММ

Ауыл мектептерінің 9-11 сынып оқушыларына арналған жалпы білім беретін пәндер бойынша республикалық олимпиадасының ашылу салтанаты

20.11.2023 күні Ынтымақ ауылының ЖОББМ базасында сағат 9:30-да олимпиаданың ашылу салтанаты болды. Мектеп директоры, оқу ісінің меңгерушісі, ұстаздар және білім алушылар ашылу салтанатына қатысты. Ауылды жерлердегі мектеп оқушыларының дарындылығы мен қабілеттерін анықтау және қолдау үшін оңтайлы жағдайлар жасау, академиялық қабілетті оқушыларды іріктеу, олардың одан әрі зияткерлік дамуы мен кәсіби бағдарлануын қамтамасыз ету мақсатында биыл алғашқы рет ауыл мектептерінің 9-11 сынып оқушыларына арналған жалпы білім беретін пәндер бойынша республикалық олимпиадасы өтуде.

Олимпиаданың негізгі  міндеттері:

• ауылдық мектептері оқушыларының теориялық білімі мен практикалық  дағдыларын тереңдету;
• ауылдық білім беру ұйымдарындағы дарынды балаларды анықтау үшін жағдайлар жасау;
• Қазақстан Республикасы Оқу-ағарту министрлігінің "Дарын" республикалық ғылыми-практикалық орталығы жанындағы Республикалық сырттай мектепке оқу-жаттығу жиындарына қабылдау және одан әрі оқыту арқылы ауылдық жердегі мектептердің жоғары сынып оқушыларын республикалық және халықаралық деңгейдегі олимпиадаларға қатысуына дайындап, мүмкіндік беру.

 Жалпы білім беретін пәндер бойынша республикалық олимпиада жаратылыстану-математикалық және Қоғамдық-Гуманитарлық бағытындағы 13 пән негізінде өтеді.

Олимпиада үш кезеңнен тұрады:

Бірінші кезең - бастапқы, екінші кезең - іріктеу, үшінші кезең -республикалық.

Олимпиаданың I кезеңінде кешенді тестілеудің барлық қатысушылары                  1 парта - 1 қатысушы - 1 компьютер қағидасын сақтай отырып, тұрақты интернет байланыс желісіне қосылған дербес компьютерлермен жабдықталған орындарда онлайн платформада өтеді.

       І кезеңнің қорытындысы бойынша ең жоғары балл жинаған қатысушылардың жалпы санының 35% олимпиаданың II кезеңіне қатысуға  жіберілетін болады.

       Олимпиаданың ІІ кезеңінің (іріктеу кезеңі) тапсырмалары дәстүрлі олимпиадалық тапсырмалар түрінде ұсынылады және онлайн-платформада көрсетіліп, шешімдер қағаз жүзінде жүзеге асырылады.

III кезең – республикалық Астана қаласында офлайн форматта ұйымдастырылып, жаратылыстану-математикалық және Қоғамдық-Гуманитарлық бағыттағы пәндер бойынша өткізіледі.

Бүгінгі жетістіктеріңіз - сіздердің үлкен өмірде табысқа жетулеріңіздің бастауы. Болашақта еліміз мақтан ететін азамат болуларыңызға шын жүректен тілектеспіз!

Бүгінгі олимпидаға қатысушы барша оқушыларымызға алғыс білдіре отырып, білім сайысында үлкен асуларды бағындыруларыңызға тілектеспіз.